Pages

Saturday, October 18, 2008

प्रजातन्त्रको बोट र सलहहरु

पोहोर पनि
बीउ छरेकै हो
बोट रोपेकै हो प्रजातन्त्रको
लहलहाउँदो भएको मात्र थियो बाली
एक हूल सलह आए, बाली खाए र
सखाप पारे प्रजातन्त्रका बोटहरु

बल्लतल्ल जोगाइयो
केही बीउ र बोटहरु ।

यसपालि पनि
छरियो बीउ
रोपियो बोट प्रजातन्त्रको
लहलहाउँदो हुन नपाउँदै बाली
आए सलह खाए बाली र
सखाप पारे प्रजातन्त्रका बोटहरु ।

त्यसैले,
छरेर मात्र हुँदो रहेनछ बीउ
रोपेर मात्र नहुँदो रहेछ बोट
प्रजातन्त्रको बाली जोगाउन
काँडेतार लगाउनै पर्दो रहेछ
बाली सखाप पार्ने सलहका
बथान भगाउनै पर्दो रहेछ ।
२०६१/१/३०

1 प्रतिक्रिया:

Prabesh said...

छरेर मात्र हुँदो रहेनछ बीउ
रोपेर मात्र नहुँदो रहेछ बोट
प्रजातन्त्रको बाली जोगाउन
काँडेतार लगाउनै पर्दो रहेछ
बाली सखाप पार्ने सलहका बथान पर्दो रहेछ ।

यो हरफ चैँ एकदम मनपर्‍यो ।

Post a Comment