हिँड्दाहिँड्दै
पाठका गोरेटाहरूमा
अल्मलियो
र
पृष्ठहरूमा चिप्लिएर ऊ लड्यो ।
चाहार्दा चाहार्दै
व्याकरण र अभ्यासहरूमा
बिर्सियो बाटो
र
अक्षरहरूमा ठोक्किएर ऊ लड्यो ।
डुल्दाडुल्दै
शब्द र वाक्यहरूमा
तिर्मिरायो
र
अनुच्छेदहरूमा बेरिएर ऊ लड्यो ।
खोज्दै गर्दा
सुनौलो भविष्य
पुस्तकका पन्नाहरूमा
रन्थनियो बेस्सरी
र
पन्नाको धारले सेरिएर ऊ मर्यो।
0 प्रतिक्रिया:
Post a Comment