Pages

Saturday, March 17, 2012

हिँड्न थाल्दा



हिँड्न थाल्दा,
म पनि
लडेथेँ बाटाहरूमा
ठोक्किएथेँ ढुङ्गाहरूमा
चिप्लिएथेँ उकालीहरूमा
तर रोकिनँ हिँड्न
र त
लड्दाखेरि उठ्न सिकेँ
पन्छाएर ढुङ्गा अघि बढ्न सिकेँ
बनाएर गोरेटो पहाड चढ्न सिकेँ ।

हिँड्न थाल्दा,
म पनि
अल्मलिएथेँ दोबाटाहरूमा
अताल्लिएथेँ अप्ठ्याराहरूमा
डराएथेँ अँध्यारोहरूमा
तर छोडिनँ अघि बढ्न
र त
दोबाटाहरूमा बाटो चुन्न सिकेँ
अप्ठ्यारा आउने बाटाहरू थुन्न सिकेँ
अँध्याराहरूमा निडर हुन सिकेँ ।

0 प्रतिक्रिया:

Post a Comment