Pages

Wednesday, December 3, 2008

अपाङ्ग को हो ?


छैन हात, गोडा छैन
अपाङ्ग भन्छौ तर
गर्छु विरोध अन्यायको
जान्न संघर्ष पर
छैन त दृष्टि यी आँखामा के भो
बुझ्दछु म संसार
छैन जिब्रो तैपनि शोषणको
गर्छु म प्रतिकार

बलिया छन् पाखुरी ती तिम्रा
उठ्दैनन् जनपक्षमा
गोडा डराउँछन् अप्ठेरोमा
के पुग्ला त्यो लक्ष्यमा

देख्नै नसक्ने गरीबको दुःख पीडा
ती आँखा भएर के भो ?
बोल्नै सक्दैन यदि सत्य न्याय भने
त्यो जिब्रो भएर के भो ?

कमजोर शरीर छ मेरो तर
हृदय छ विश्वासको
बलियो शरीर तिम्रो कामै गर्दैंन
भन अपाङ्ग को हो ?

सन्दर्भः अपाङ्ग दिवस
२०५७/१०/८

3 प्रतिक्रिया:

JPT said...

शब्दहरु खेलाउन र केलाउन जान्ने साथी -तपाईको भावना र कलमको मसिको दम सशक्त र बेजोड़ रहेछ -यस्तै छन्द बिहीन भावनाहरुले मेरो मन छुन्छ । लेख्दै जानुस ....तपाई सफल हुनुहुने छ ।

बिमल गिरी said...

Hello,
Namaskar.shabda ra bimba sanga miyeti lagauna tapai nikai sipalu hunuhudo rahechha.khusi lagyo.sampresan garirahanuhola.Belgium

अनल साहित्य घर said...

Namaste dai gajab ko ko banaunu bhaeko rahechha sirjana haru ramra chhan , but tapaile thorai sirjana matra rakhnu bhayo jasto chha ali thapdai januhola hai

Post a Comment