तिमीले कुचो फाल्यौ, मैले जुत्ताले हानेँ
तिमीले डाडू उचाल्यौ, मैले जिस्केको ठानेँ
तिमी साँच्चै रिसाइछौ, भैगो अलि पर सरौँ
एक एक स्टेप तल झरौँ, आऊ Dear वार्ता गरौँ।
अस्ति मात्र झगडा भयो मोबाइलको स्क्रिन फुट्यो
हिजो अलि चर्कै पर्यो पछाडिको हड्डी टुट्यो
माफी दिऊँ एक अर्कालाई मन मुटुमा माया भरौ
रिस थामौँ एकैछिनलाई, आऊ Dear वार्ता गरौँ।
गको महिना फुटेको नाक बल्ल बल्ल निको भाछ
के के जात्रा उधुम भयो कि तिमीलाई कि मलाई था छ
सबै कुरा गोप्य राखौं अब घरमा शान्ति छरौं
डाडू फाल, कलम समाऊ, आऊ Dear वार्ता गरौँ।
7 प्रतिक्रिया:
हो वार्ता गरौँ !
यसैगरि सबैले कुरो बुझे कति राम्रो हुन्थ्यो होला !
लु यसो चैँ गर्न पाइएन है । यो त सरासर चोरी भयो । अर्जुन पराजुलीको कवितासङ्ग्रह 'आन्द्रालोक'को पहिलो कविता 'आइज बुढी स्कूल खोलौँ' मा सबै कुरा छ । त्यहि स्कूल खोलौँको ठाउँमा वार्ता गरौँ लेख्न पाइएन ॥
हो वार्ता गर्नै पर्छ है । तर कविता कसको हो ? उजेली जी को कुरो मा दम छ । वार्ता गरेर मिलाउँ है । साक्षी चाहोए कटुवाल छ हाजिर !
यात्री जी को यात्रा काहा नेर किन रोकियो या किन ढिलाई भयो भनेर कुरी रहे'थे ....राम्रै प्रसंग र सन्देश ल्याउनु भएको रहेछ अनि उजेली जी ले संदेह गर्नु भएको छ त्यो त म जान्दीन तर यदि कपि नै भए पनी तपाइले आफ्नो भूमिका लेखेर बताउन सक्नु हुन्थियो - स्रोत : भनेर ।
मलाई लाग्छ कपि नहोला सायद झन्डै मिल्न मात्र खोजेको होला ! संयोग बस ।
नराम्रै भए पनी आफ्नै मौलिक सिर्जना मा रामाउनु नै उचित - जून आफु र आफ्नो आत्मा हो त्यसलाई नमारौ -त्यो नै आफ्नो हिचान हो नि , हैन र ? आउनुस र सधै साहित्यिक संसार मा रमाउ संगै -हामी सबै ।
अर्जुन पराजुलीका कविता मलाई राम्रो लाग्छ । सम्भवतः उनको कविता 'आइज बुढी स्कूल खोलौँ' मैले डामाडोल डट कम मा पढेको हुनुपर्छ । उनको कविताका शब्द मलाई याद छैन । उजेलीजीको प्रतिक्रिया पढेपछि उनको कविता फेरि पढ्न खोजेँ, भेटिनँ ।
अर्जुन पराजुलीको कविता सम्झिएर यो कविता लेखिएको हैन ।
शैली मिल्न गएको हुन सक्छ, कवितै चोरेको हैन ।
हुन न अर्जुन पराजुलीको त्यो कविता गद्यमा छ र धेरै लामो पनि छ । तर ठ्याक्कै नै त्यहिजस्तो लाग्छ पढ्दा । अलि समसामायिक विषयवस्त हालेर त्यसैलाई नै पद्य बनाएजस्तो !! जे होस् तपाईँले त्यस्तो गर्नुभएको होइन भने त राम्रो हो !!
dherai ramro x sir.keep it up.
Post a Comment